حكاية تبدأ بشلة قاعدين مع بعض على طرابيزه فى النادى وعلى الطرابيزه اللى أدمهم فيه موبيل المهم فى ده كله ايه يا حبايبى
ان الموبيل قاعد يرن يرن يرن يرن يرن يرن
المهم الراجل مسك الموبيل وشغل الإسبيكر أدام صحابه كلهم طبعا
المحادثة كالتالى
الست / هاى حبيبى انت فى النادى دلوقتى ؟
الراجل/ ايوه يا حياتى انتى فين ؟
الست / اسكت يا روحى انما انا شوفت حتة بالطوا يااااى يجنن ولازم اشترية دلوقتى يا حبى بـ 500 جنيه بس
الراجل / هو عاجبك اوى كده خلاص يا حياتى اشتريه.
الست / ميرسى يا روحى برضو عديت على توكيل مرسيدس وشفت حته عربية موديل 2011بس ايه تحفه .
الراجل / بكام يا حبى ؟
الست / بـ 900000 جنيه يا روح الروح .
الراجل / خلاص يا قلب القلب اشترية طالما عجباكى .
الست / ربنا مايحرمنى منك يا حبيبى انا مش عارفه من غيرك كنت هعمل ايه ولا اعيش ازاى
الراجل / وانتى يا حياتى الهوا اللى انا بتنفسه ومقدرش اعيش بهوا تانى وانت عارفه كده كويس
قلبت حبة رومانسيه بقى
الست / اه كنت هنسى !
الراجل/ ايه يا حياتى ؟
الست/ فاكر البيت اللى كنت عاوزاك تشتريهولى السنه اللى فاتت معروض للبيع دلوقتى ب تلاته مليون جنيه بس اشترية يا حبيبى ؟
الراجل / طيب اشترية وحاولى تنزلى منه الف ولا الفين جنيه كده خليكى شاطره كده
الست / اوكى يا قلبى اكلمك بعدين احبك
الراجل / وهو كذلك باى احبك
و قفل الراجل الموبيل ورماه أدامه على الطرابيزة وبص لقى كل اللى قاعدين معاها بيبحلقوا فيه ومستغربين
و إذ فجأة هو قايم كده وكل براءة وبساطه
وقال
يا جماعه حد منكم يعرف صاحب الموبيل ده ابقوا قولوله مراته اتصلت عليه !
الإثنين يناير 17, 2011 4:14 pm
